Ein Cyfleusterau

Cynlluniwyd Hope House i dderbyn cyfanswm o wyth plentyn mewn ystafelloedd sengl â chynllun arbennig gyda lle i hyd at bump o deuluoedd mewn llety ar wahân. Mewn amgylchiadau eithriadol iawn, gellir defnyddio dau wely ychwanegol pan geir argyfwng.

Mae gennym ystafell chwarae fawr, ystafell gyfrifiaduron, pwll therapi dŵr – a ddefnyddir mewn sesiynau ffisiotherapi rheolaidd – ystafell synhwyrau, ystafell fwyta fawr, lolfeydd ar gyfer teuluoedd a rhieni ac ystafell gerddoriaeth gydag adnoddau da, lle gall y plant a'u brodyr a'u chwiorydd fwynhau sesiynau therapi cerdd bendigedig. Mae gennym hefyd ‘ystafell plu eira’ neu ystafell arbennig sy'n galluogi’r teulu i aros yn agos at eu plentyn ar ôl iddo farw a chyn yr angladd.

Mae ein tîm allgymorth o nyrsys cymunedol yn cefnogi teuluoedd Hope House sydd am gael gofal yn eu cartrefi eu hunain os yw eu plentyn yn rhy sâl i ymweld â'r hosbis, ac mae ein gweithwyr cymdeithasol a'n cwnselwyr profedigaeth profiadol yn gweithio’n helaeth gydag aelodau teuluoedd, a hynny’n aml am flynyddoedd lawer ar ôl marwolaeth plentyn. Ymwelwch â’n Horiel Ddelweddau i gael taith o amgylch Hope House...

Mae teuluoedd sy’n byw yng Ngogledd Cymru yn cael gwasanaeth tebyg yn Tŷ Gobaith, ein hosbis yng Nghonwy.