Mae Tŷ Gobaith yn ail gartref bendigedig, a adeiladwyd yn bwrpasol yng nghanol Dyffryn Conwy, gyda golygfeydd ysblennydd ar draws yr aber. Dewiswyd y safle oherwydd yr heddwch a'r llonyddwch mae'n ei gynnig i’r plant a’r teuluoedd sy'n ymweld.

Mae gennym bedair ystafell wely i blant, a thair ystafell wely i rieni/teuluoedd, gyda phosibilrwydd defnyddio un ystafell fel ystafell wely i bumed plentyn pan geir argyfwng. Mae gan ystafell wely pob plentyn fynediad at ystafell ymolchi gyfagos gyda chyfarpar arbenigol, gan gynnwys teclynnau codi sy’n sownd yn y to. Ceir ystafell synhwyrau, ystafell gyfrifiaduron, lolfa, ystafell chwarae, ystafell therapi, cegin ac ystafell fwyta a lolfa i rieni. Mae gennym ystafell wely arbennig ar gyfer teuluoedd sydd newydd gael profedigaeth, ac mae ganddi ardd breifat y gall y teuluoedd ei defnyddio.

Ond y llecyn mwyaf poblogaidd yw’r teras allanol mawr, a gellir mynd iddo o bob ystafell gyhoeddus ac o holl ystafelloedd gwely’r plant – fe’i gwelir yma ar ddiwrnod heulog cynnes. Mae’r golygfeydd yn odidog!

Mae’r tir o amgylch wedi’i dirlunio’n helaeth i ganiatáu mynediad i gadair olwyn, a chafodd y tŷ gardd a ychwanegwyd yn 2007 groeso brwd – drwy garedigrwydd Anwy Construction.

Adeiladwyd ystafell gynghori yn ddiweddar mewn lleoliad breifat gyda golygfa ysblennydd ar draws yr aber.